Շառլ Ազնավուրը հունիսի 30-ին կվերսկսի համաշխարհային շրջագայությունը. AFP

ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Շառլ Ազնավուրն առողջական վիճակի կապակցությամբ համաշխարհային համերգային շրջագայության վերսկսման ամսաթիվը հետաձգել Է հունիսի 30-ին: Ինչպես մայիսի 22-ին հայտնել Է AFP գործակալությունը, բժիշկները խորհուրդ են տվել երգչին դադար առնել բեմ դուրս գալուց առաջ եւ շարունակել բուժումը:

Ինչպես նշում Է գործակալությունը, Ազնավուրը հարկադրված Է հրաժարվել հունիսի 5-ին Մոնակոյում ծրագրված ելույթից, հունիսի 16-ին Ֆրանսիայում «Ալունա» փառատոնին մասնակցելուց եւ հունիսի 23-ին Իտալիայում պլանավորված համերգից, տեղեկացնում Է «Արմենպրես»-ը: Ինչպես սպասվում Է, երգիչը բեմ կվերադառնա հունիսի 30-ին, ծրագրված Է նրա համերգը Լոնդոնում: Դրանից հետո Ազնավուրը շրջագայությունը կշարունակի Իսպանիայում, Գերմանիայում, Խորվաթիայում, Ճապոնիայում, Ուկրաինայում, Բելգիայում եւ Ֆրանսիայի մի քանի քաղաքներում, հաղորդել Է ՏԱՍՍ-ը: