ՔԶԱԿ-ի փորձագետները Դումայում աշխատանքի ձեռնամուխ կլինեն ՄԱԿ-ի առաքելության թույլտվությունից հետո
1 րոպեի ընթերցում
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Քիմիական զենքի արգելման կազմակերպության փորձագետները Սիրիայի Դումայում կարող են աշխատանքն սկսել այն բանից անմիջապես հետո, երբ այդ քաղաքում գտնվող ՄԱԿ-ի առաքելությունը եզրակացություն կներկայացնի, որ իրադրությունը թույլ Է տալիս նրանց՝ ժամանել այնտեղ: Այդ մասին, ինչպես հաղորդել Է «Ինտերֆաքս»-ը, հայտարարել Է ՄԱԿ-ին առընթեր Սիրիայի մշտական ներկայացուցիչ Բաշար Ջաֆարին, տեղեկացնում Է «Արմենպրես»-ը:
«Եթե ՄԱԿ-ի անվտանգության առաքելությունը որոշում ընդունի, որ Դումայում իրադրությունը նպաստավոր Է, ՔԶԱԿ-ի փորձագետները աշխատանքը կսկսեն ապրիլի 18-ին»,-ասել Է նա ՄԱԿ-ի Անվտանգության խորհրդի՝ Երեւանի ժամանակով լույս չորեքշաբթի գիշերը կայացած նիստում: Դիվանագետն ընդգծել Է. «Սիրիայի կառավարությունն իրենից կախված ամեն ինչ անում Է՝ նպաստելու ՔԶԱԿ-ի առաքելության աշխատանքին»:
ՔԶԱԿ-ի փորձագետները Դամասկոս են ժամանել ապրիլի 14-ին: ԱՄՆ-ը, Մեծ Բրիտանիան եւ Ֆրանսիան Սիրիայի իշխանություններին մեղադրում Է այն բանում, որ նրանք Ռուսաստանի աջակցությամբ խոչընդոտում են Դումայում ՔԶԱԿ-ի աշխատանքի շուտափույթ սկսվելուն՝ փորձելով վերացնել թունավորող նյութերի կիրառման հետքերը: