2 րոպեի ընթերցում
ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Ռուսաստանի Դաշնության պաշտպանության նախարարությունից հայտնում են, որ Միացյալ Նահանգները, Մեծ Բրիտանիան և Ֆրանսիան սիրիական ռազմական ու քաղաքացիական օբյեկտների վրա բաց են թողել ավելի քան 100 հրթիռ: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Հարվածներն իրականացվել են ինչպես ծովից, այնպես էլ օդից: Օգտագործվել են ինչպես թևավոր հրթիռներ, այնպես էլ «օդ-ցամաք» տեսակի հրթիռներ:
Սիրիայի զինված ուժերի գլխավոր շտաբից հստակեցրել են, որ բաց է թողնվել 110 հրթիռ, տուժել է երեք մարդ:
Վաշինգտոնն ու նրա դաշնակիցները հարձակվել են Սիրիայի դեմ ապրիլի 14-ին: Սպիտակ տունը հիմնավորել է այս քայլը սիրիական Դումա քաղաքում տեղի ունեցած միջադեպով, որտեղ, համաձայն որոշ տեղեկությունների, կիրառվել է քիմիական զենք:
Որոշ ամերիկացի քաղաքագետներ հարձակվելու մասին Թրամփի որոշումը որակել են որպես անօրինական և հակասահմանադրական, քանի որ նա հարձակում է իրականացրել առանց օրենսդիրների հավանությունը ստանալու՝ այդպիսով խախտելով Սահմանադրության առաջին հոդվածը: Հոդվածը նախատեսում է, որ պատերազմ սկսելու թույլտվություն նախագահին պետք է տա Կոնգրեսը:
Décollage, cette nuit, des forces armées françaises qui interviennent contre l’arsenal chimique clandestin du régime syrien. Déclaration du Président de la République @EmmanuelMacron : https://t.co/HNSK0FmZIO pic.twitter.com/DEAW7R50aC
— Élysée (@Elysee) 14 апреля 2018 г.