«Այբ» դպրոցի աշակերտները ծրագրավորում կսովորեն նորաբաց Ucom Digital Lab-ում

2 րոպեի ընթերցում

ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: «Այբ» դպրոցում պաշտոնապես բացվեց Ucom Digital Lab համակարգչային սենյակ-լաբորատորիան: Լաբորատորիան նախատեսված է դպրոցի 3-10-րդ դասարանի աշակերտների համար, որտեղ վերջիններս կկարողանան հմտանալ արհեստական բանականության ոլորտում, սովորել ծրագրավորում, համադրել համակարգչային տեխնիկայի հնարավորություններն արվեստի հետ:«Արմենպրես»-ի փոխանցմամբ` բացման արարողության ժամանակ Ucom ընկերության գլխավոր տնօրեն Հայկ Եսայանն ու «Այբ» դպրոցի տնօրեն Արամ Փախչանյանը համագործակցության հուշագիր ստորագրեցին:

«Շատ ուրախ ենք Ucom-ի կողմից հովանավորված համակարգչային լաբորատորիայի բացման կապակցությամբ, քանի որ կարծում ենք` ժամանակակից ցանկացած ընկերություն պետք է ոչ միայն մտածի իր օրվա անելիքի, այլև ապագայի մեջ ներդրման մասին: Սոցիալական պատասխանատվությունն արդի ընկերության աշխատանքի կարևոր բաղադրիչներից է: Ucom-ը դրա վառ օրինակներից է, քանի որ տարիներ շարունակ աջակցում է կրթությանը»,-ասաց «Այբ» դպրոցի տնօրեն Արամ Փախչանյանը: Նրա խոսքով` կենտրոնը թույլ կտա զարգացնել տեխնոլոգիաների հետ իրենց կյանքը կապող երեխաների ու երիտասարդների տաղանդը, ովքեր կարող են փայլուն ձեռքբերումների հասնել դեռևս դպրոցական տարիներից:

Ucom-ի գլխավոր տնօրեն Հայկ Եսայանը նշեց, որ երեխաներն ու երիտասարդությունը երկրի ներուժն են, ինչի զարգացման համար անհրաժեշտ է կատարել ներդրումներ: «Մեր ընկերության կորպորատիվ սոցիալական պատասխանատվության շրջանակներում իրականացվող նախագիծը ևս մեկ քայլ է դեպի կրթված, բանիմաց ու ստեղծարար սերնդի ապահովում: Իսկ ստեղծարար ու ամենակարևորը` նորարար սերունդն ապագայի գիտելիքը պետք է ձեռք բերի նույնքան նորարարական , ոգևորիչ և ստեղծագործելը խթանող միջավայրում»,-ասաց Հայկ Եսայանը: Նա հավելեց, որ բաց են դպրոցների աշակերտներին ցուցադրելու Ucom-ի հնարավորությունները` նրանց մեջ արթնացնելով ինժեներական մտածողություն:

Հայերեն

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը