ԵՄ-ն 35 հազար եվրոյի չափով դրամաշնորհներ է հատկացնում տեխնոլոգիական ստարտափերին և ընկերություններին

2 րոպեի ընթերցում

ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: ԵՄ-ն՝ բիզնեսի համար նախաձեռնության շրջանակներում մեկնարկում է տեխնոլոգիական ուղղվածության ստարտափերին և գործող ընկերություններին հատկացվող նորարարության ուղղված դրամաշնորհների մրցույթի երկրորդ փուլը: «Արմենպրես»-ի փոխանցմամբ` մրցույթին կարող են մասնակցել այն ընկերությունները և թիմերը, որոնք ունեն տեխնոլոգիական ուղղվածություն և համապատասխան փորձ, օրինակ` ճարտարագիտության, մաքուր տեխնոլոգիաների, կենսատեխնոլոգիաների, ինչպես նաև ՏՀՏ-ի առաջատար ոլորտներում (օրինակ՝ արհեստական ինտելեկտ, բլոքչեյն և այլն): Հայտատուները պարտավոր են ծրագրի համար անհրաժեշտ չափով համաֆինանսավորում ապահովել. Երևանի դեպքում՝ 50 տոկոսի (դրամաշնորհը մինչև 35 հազար եվրո է), իսկ մարզերի՝ 15 տոկոսի չափով։

Ծրագիրն իրականացվում է Ձեռնարկությունների ինկուբատոր հիմնադրամի (ՁԻՀ) հետ: Մրցույթի առաջին փուլը մեկնարկել է 2018 թվականի հունվարին, որի համատեքստում ինն ընկերության ֆինանսավորում է տրամադրվել։ Դրամաշնորհների մրցույթի երկրորդ փուլի մեկնարկը տրվում է մարտին: Հայտադիմումների ներկայացման վերջնաժամկետն է 2018 թվականի ապրիլի 3-ը` ժամը 23:59-ը։ 2018 և 2019 թվականների ընթացքում նախատեսվում է տրամադրել ևս 9 դրամաշնորհ, որոնցից յուրաքանչյուրը՝ 35 հազար եվրոյի չափով և 9 ամիս տևողությամբ։

Հետաքրքրված թեկնածուների հարցերին պատասխանելու համար ՁԻՀ-ը մարտի 3-ից սկսած կազմակերպում է խորհրդատվական հանդիպումներ երեքշաբթի և հինգշաբթի օրերին՝ ժամը 15:00-18:00-ը, իսկ չորեքշաբթի օրերին՝ 11:00-13:00-ը։ Կկազմակերպվելու են նաև ծանուցողական հանդիպումներ Երևանում, Գյումրիում, Վանաձորում: Հայտադիմումները հասանելի են հետևյալ հղումով:

Եվրոպական միության ԵՄ-ն՝ Բիզնեսի համար նախաձեռնությունը հովանոցային նախաձեռնություն է, որը ներառում է ՓՄՁ աջակցությանն ուղղված ԵՄ-ի կողմից իրականացվող բոլոր գործողությունները Արևելյան գործընկերության երկրներում:

Հայերեն

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը