Հունական Ատտիկայում եղանակի պատճառով փակել են բոլոր դպրոցները

ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Հունաստանի Ատտիկայի նահանգի ղեկավար Ռենա Դուրուն կարգադրել Է եղանակի պատճառով նոյեմբերի 17-ին փակել երկրի մայրաքաղաքային տարածաշրջանի բոլոր դպրոցները: Նահանգապետի որոշումը հրապարակվել Է նոյեմբերի 16-ի երեկոյան:

Հունաստանում մի ամբողջ շաբաթ Է՝ հորդառատ անձրեւներ են տեղում, որոնք հեղեղումների պատճառ են դարձել: Ատտիկայում նոյեմբերի 15-ին տարերքի զոհ Է դարձել 16 մարդ:

«Էքստրեմալ եղանակային երեւույթների պատճառով եւ հանուն սովորողների անվտանգության Ատտիկայի նահանգապետը կրթության նախարարույթան հետ խորհրդակցելուց հետո որոշեց, որ վաղը Ատիիկայի բոլոր դպրոցները փակ կլինեն»,- ասված Է հաղորդագրության մեջ:

Ուսումնական պարապմունքները չեղարկված են տարրական եւ միջնակարգ կրթության դպրոցներում: Պիրեյում փակ կլինեն նաեւ մանկապարտեզները: Հունաստանի վարչապետ Ալեքսիս Ցիպրասը երկրում եռօրյա սուգ Է հայտարարել. շենքերի վրա խոնարհված են պետական դրոշները, չեղարկվել են հասարակական միջոցառումները, հաղորդել Է ՌԻԱ Նովոստին: