Հովսեփ Խուրշուդյանն ընտրություններում անհաջողության մեջ մեծ է համարում ընդդիմության պատասխանատվությունը

2 րոպեի ընթերցում

ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: Հայաստանում Ազգային ժողովի ընտրություններում ընդդիմությունը պարտություն կրեց, որովհետև չկարողացավ ժողովրդին համոզել, որ կարող է այլընտրանք լինել իշխանությանը: Ապրիլի 5-ին լրագրողների հետ հանդիպմանը նման կարծիք հայտնեց «Օհանյան-Րաֆֆի-Օսկանյան» դաշինքի տեղեկատվական կենտրոնի համակարգող, «Ժառանգություն» կուսակցության անդամ Հովսեփ Խուրշուդյանը:

«Մեր դաշինքն ամեն ինչ արեց, որպեսզի կայանա ընդդիմության լայն կոնսոլիդացիա, որը կկարողանա այլընտրանք լինել իշխանությանը, սակայն, ցավոք, դա մեզ մոտ չստացվեց»,- «Արմենպրես»-ի հաղորդմամբ` ասաց նա` հավելելով, որ անհաջողության մեջ մեծ է ընդդիմության պատասխանատվությունը:

Խուրշուդյանի խոսքով`ակնհայտ է, որ ժողովրդի մի լայն հատված, որը կարող էր գնալ և ձայն տալ կոնսոլիդացված ընդդիմությանը, այդպես էլ մինչև վերջ չկողմնորոշված մնաց, չմասնակցեց ընտրություններին, որոշ մասն էլ տրվեց ուղղորդմանը: Նա ընդգծեց, որ այս ամենը չի նշանակում, թե ամեն ինչ ավարտված է, և պետք չէ շարունակել պայքարը:

Հովսեփ Խուրշուդյանն այն կարծիքին է, որ բոլոր ընդդիմադիր ուժերը պետք է համախմբվեն և մտածեն պայքարը շարունակելու մասին` նկատելով, որ այդ պայքարը լինելու է արտախորհրդարանական և փողոցում:

Հայերեն

Անհետ կորած անձանց ճակատագիրը, հումանիտար երկխոսություն և համագործակցություն. միջազգային համաժողով

Հայտնաբերվել է զինծառայողի դի՝ հրազենային վնասվածքով. ՊՆ

Սեդա Ղուկասյանը նշանակվել է Կենտրոնական բանկի հասարակայնության հետ կապերի բաժնի պետ

Պերուն արտակարգ դրություն է հայտարարել վառելիքի պակասի սպառնալիքի պատճառով

Նոր Սահմանադրության ընդունումից հետո խաղաղության համաձայնագրի ստորագրման և վավերացման երաշխիքներ կան․ Փաշինյան

ԱՄՆ-ում Իրանին մեղադրել են երկրի կարևորագույն ենթակառուցվածքների դեմ կիբերհարձակումներ իրականացնելու մեջ

Վարչապետը պարզաբանել է, թե ինչու Հայաստանը չի միացել Դուբլինի հռչակագրին

Պուտինը և Թրամփը կհանդիպեն Ասիա-խաղաղօվկիանոսյան տնտեսական համագործակցության գագաթնաժողովի լիագումար նիստից հետո

Վարչապետը նոր Սահմանադրության օրակարգն առաջ մղելու երկու ճանապարհ է ներկայացրել

Երևանում տներից մեկում բռնկված հրդեհը մարվել է․ հրշեջ-փրկարարները կանխել են կրակի տարածումը հարակից տներ