Պարալիմպիկ խաղերում Հայաստանը կներկայանա երկու մարզուհիներով

ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: 2016 թվականին Բրազիլիայի Ռիո դե Ժանեյրո քաղաքում կայանալիք 31-րդ ամառային օլիմպիական խաղերին կհաջորդեն պարալիմպիկ խաղերը: Ինչպես «Արմենպրես»-ին տեղեկացրին ՀՀ սպորտի և երիտասարդության հարցերի նախարության լրատվական բաժնից, խաղերում Հայաստանի պատվիրակության ղեկավարն է լինելու «Հայաստանի ազգային պարալիմպիկ կոմիտե» հասարակական կազմակերպության նախագահ Հակոբ Աբրահամյանը:

2016թ. սեպտեմբերի 8-19-ը կայանալիք պարալիմպիկ խաղերում մեր երկիրը կներկայանա երկու մարզուհիներով՝ Գրետա Վարդանյան, ով հանդես կգա ծանրամարտ մարզաձևում, իսկ Մարգարիտա Հովակիմյանը՝ լող մարզաձևում: