Նաիրա Զոհրաբյանն ակնկալում է, որ կդրվի Արամ արքեպիսկոպոս Աթեշյանին կարգալույծ անելու հարցը

2 րոպեի ընթերցում

ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Ազգային ժողովի ԲՀԿ խմբակցության ղեկավար Նաիրա Զոհրաբյանն ակնկալում է, որ Ամենայն Հայոց Կաթողիկոսն իրեն վերապահված լիազորություններով կդնի Պոլսո Հայոց պատրիարքի փոխանորդԱրամարքեպիսկոպոսԱթեշյանին կարգալույծ անելու հարցը՝ Թուրքիայի նախագահին ուղղված խայտառակ նամակի համար: Ազգային ժողովի նիստի ընթացքում Նաիրա Զոհրաբյանն ընդգծեց, որ Աթեշյանի արարքն ազգային, պետական դավաճանություն է, որից պետք է անհապաղ հետևություններ արվեն: «Սա պետական ազգային դավաճանություն է բարձրաստիճան հոգևորականի կողմից: Մենք ակնկալում ենք, որԱմենայն Հայոց կաթողիկոսն իրեն վերապահված լիազորություններով դնի Արամ Աթեշյանին կարգալույց անելու հարցը: Երեկ երեկոյան ինձ այս հարցով դիմել են Թուրքիայի հայ համայնքի բազմաթիվ ներկայացուցիչներ»,- «Արմենպրես»-ի հաղորդմամբ՝ նշեց պատգամավորը:

Նաիրա Զոհրաբյանը հավելեց, որ սա պետք է լինի համայն հայության խնդիրը: «Որովհետև նման անբարո, խայտառակ նամակ, որը հղել է արքեպիսկոպոսը Թուրքիայի նախագահին: Դա մեր բոլորի ամոթն է և դրանից պիտի արվեն շատ արագ հետևություններ:

Հունիսի 7-ին Ստամբուլի հայկական «Ակոս» պարբերականը բաց նամակ է հրապարակել` ուղղված Պոլսո Հայոց պատրիարքական փոխանորդ Արամ արքեպսիկոպոս Աթեշյանին` կապված վերջինիս կողմից Թուրքիայի նախագահ Ռեջեփ Թայիփ Էրդողանին ուղղված նամակի հետ: «Ակոս»-ի խմբագրակազմը հայտնել է, որ իրենք մեծ բարկությամբ են ընթերցել Աթեշյանի նամակը, որտեղ պատրիարքական փոխանորդը Էրդողանին հայտնել էր, թե իբր Թուրքիայի հայ համայնքը Բունդեսթագի կողմից Հայոց ցեղասպանությունը ճանաչող բանաձևի ընդունման փաստը մեծ ցավով է ընդունել:

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն