Ադրբեջանի ցեղասպան ու բարաբարոս թուրքի դիմաց միայն հայոց բանակը չէ, ողջ հայ ժողովուրդն է. Արամ Ա

2 րոպեի ընթերցում

ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Հերոս տղաներն իրենց արյունով են շաղախել Արցախի սրբազան հողն ու հայ ժողովրդի աշխարհասփյուռ զավակներին ասել, որ աշխարհի վրա ոչ մի ուժ չի կարող Արցախը, մեր իրավունքները մեզանից խլել: «Արմենպրես»-ի փոխանցմամբ` սրանք Ն.Ս.Օ.Տ.Տ. Մեծի Տանն ԿիլիկիոԱրամ Առաջին կաթողիկոսի խոսքերն են, որոնք նա ասել է կաթողիկոսություն վերադառնալուց հետո նկարահանված տեսանյութում` ուղղված աշխարհասփյուռ հայերին: «Երեկ գիշեր վերադարձա Արցախից` ինձ հետ բերելով վստահությունը, որ Արցախը ազատ, անկախ ու հզոր Արցախ է` իր ամուր ոգով, տոկուն վճռականությամբ, իր խոր հավատքով ու անխախտելի մարտունակությամբ: Արցախում մեր ժողովրդի զավակներին ասացի` մենք ձեզ հետ ենք, մենք Արցախի հայոց բանակի հետ ենք, մեր արի տղաների հետ ենք, ովքեր իրենց արյունը թափեցին Արցախի պաշտպանության ու անկախության համար: Մեր տղաներն իրենց արյունով վկայեցին, որ Արցախը միայն հայ ժողովրդին է պատկանում: Հերոս տղաներն իրենց արյունով շաղախեցին Արցախի սրբազան հողն ու հայ ժողովրդի աշխարհասփյուռ զավակներին ասացին, որ աշխարհի վրա ոչ մի ուժ չի կարող Արցախը, մեր իրավունքները մեզանից խլել:

Արցախում մեր ժողովրդի ներկայությամբ, իմ խոսքը ուղղելով Ադրբեջանի ցեղասպան ու բարաբարոս թուրքին, ասացի, որ իր դիմաց միայն հայոց բանակը չէ, իր դիմաց ամբողջ հայ ժողովուրդն է: Հայ ժողովուրդը բանակի է վերածվել, և աշխարհում ինչպես այսօր, այնպես էլ անցյալում, ոչ մի ուժ չի կարողացել մեր ժողովրդի տոկունությունը խախտել: Աննվաճ, ազատության, խաղաղության, անկախության համար կռվելու մեր կամքը նվաճել:

Այսօր Արցախը մեզ է կանչում ինչպես մեր երգի մեջ ենք ասում, որոնք այսօր պատգամի վերածված հնչում են ու պիտի հնչեն մեր ժողովրդի կյանքից ներս: «Հայեր միացեք, միացեք հայեր, Արցախն է մեզ կանչում, օգնության հասեք»: Այս է պատգամը Արցախի, լսենք այս պատգամը ու այս պատգամի ոգիով, հավատքով մասնակից դառնանք Արցախի պաշտպանությանը, Արցախի առավել տոկունության ու վճռականության մեր համահայկական պայքարին»,-ասում է Արամ Ա-ն:

Հայերեն

Մոնղոլիայի նախագահը հրաժարական է տվել կոռուպցիայի մեղադրանքների պատճառով

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է