2 րոպեի ընթերցում
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Իլհամ Ալիևի հայտարարություններին հետո, թե Մինսկի խմբի համանախագահներին վերաբերվում է որպես «սադրիչների», «Նուվել դ՛Արմենի» լրատվական գործակալությունը դիմել է Ֆրանսիայի ԱԳՆ-ին՝ ստանալու այսմեկնաբանության վերաբերյալ Ֆրանսիայի արձագանքը։
Ինչպես հաղորդում է «Արմենպրես»-ը, լրատվական գործակալությունն իր ուղարկած դիմումի մեջ հիշեցրել է, որ Նովրուզի տոնակատարությունների կապակցությամբ իր ելույթում Ադրբեջանի նախագահը՝ Իլհամ Ալիևը, Մինսկի խմբի համանախագահներին որակել է որպես «սադրիչներ» այն հիմնավորմամբ, որ նրանք առաջարկել են Լեռնային Ղարաբաղի շփման գծում միջադեպերի հետաքննության մեխանիզմ ստեղծել, և որ նրանք դեմ են հակամարտության վերաբերյալ բանակցությունների ձևաչափի փոփոխությանը։ «Նուվել դ՛Արմենի»-ն ցանկացել է հստակեցնել, թե ո՞րն է Ֆրանսիայի արձագանքը «սադրելու» մեջմեղադրանքի վերաբերյալ։
Ի պատասխան լրատվամիջոցի հարցմանը` Ֆրանսիայի արտաքին գործերի նախարարության խոսնակ Ռոման Նադալը հիշեցրել է, որ Ֆրանսիան շարունակում է կայուն աշխատանքը Մինսկի խմբի համանախագահների շրջանակներում՝ աջակցելու արդար և տևական կերպով Լեռնային Ղարաբաղի հակամարտության կարգավորմանը։
«Մենք իրականացնում ենք միջնորդության առաքելությունը կողմերի միջև անկողմնակալության հանդեպ խիստ հարգանքով։ Մինսկի խումբը բանակցության միակ ձևաչափն է, որն ընդունվել է հակամարտության կողմերի համատեղ համաձայնությամբ»,- ասել է նա։