368.54
Օլանդն անընդունելի է է համարել Ասադին ուղղված ցանկացած աջակցություն
1 րոպեի ընթերցում
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Մեկնաբանելով Սիրիայի Նախագահ Բաշար Ասադի այցը Մոսկվա` Ֆրանսիայի Նախագահ Ֆրանսուա Օլանդը հույս է հայտնել, որ այդ հանդիպումը կնպաստի, որպեսզի Սիրիայում անցումային քաղաքականությունն ավելի արագ տեղի ունենա: Ինչպես հաղորդում է «Արմենպրես»-ը` վկայակոչելով ՏԱՍՍ-ը, Օլանդը շեշտել է, որ Ասադին ուղղված ցանկացած աջակցություն անընդունելի է:
«Ասադին աջակցության համար որեւէ քայլ չպետք է արվի»,- ասել է Օլանդը` հավելելով, թե հույս ունի, որ Վլադիմիր Պուտինին կհաջողվի համոզել Ասադին շուտափույթ սկսել անցումային քաղաքական գործընթաց ու օր առաջ հրաժարվել իր պաշտոնից: «Հույս ունեմ, որ այդ հանդիպման նպատակը դա է»,- նշել է Ֆրանսիայի նախագահը:
Բաժանորդագրվեք մեր ալիքին Telegram-ում