388.37
Նիգերիայում ահաբեկչության հետեւանքով 11 մարդ է զոհվել
1 րոպեի ընթերցում
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Նվազագույնը 11 մարդ է զոհվել, եւս տասնյակ անձինք վիրավորվել են Նիգերիայի հյուսիս-արեւելյան Դամատուրու քաղաքի շուկայում տեղի ունեցած պայթյունի արդյունքում: Ինչպես տեղեկացնում է «Արմենպրես»-ը՝ վկայակոչելով ՏԱՍՍ գործակալությունը, այս մասին հայտնել է Reuters-ը:
Հուլիսի 23-ին ավելի քան 40 մարդ էր զոհվել Գոմբե քաղաքում տեղի ունեցած պայթյունների շարքի արդյունքում: Ուժային կառույցների տեղեկություններով, ահաբեկչական գործողություններն իրականացվել էին քաղաքի երկու ավտոկայարաններում:
Ինչպես նշում են ականատեսները, հարձակումները կարող էին կազմակերպված լինել «Բոկո հարամ» ծայրահեղական խմբավորման գրոհայինների կողմից, որոնք պարբերաբար պայթյուններ են կազմակերպում մարդկանց մասսայական կուտակման վայրերում:
Բաժանորդագրվեք մեր ալիքին Telegram-ում
