388.37
Թայվանական ակվապարկում տեղի ունեցած պայթյունից տուժածների թիվը գերազանցել է 500-ը
1 րոպեի ընթերցում
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Թայվանական ակվապարկում տեղի ունեցած պայթյունից տուժածների թիվը աճել է մինչեւ 509 մարդ: Այս մասին տեղեկացնում է «Արմենպրես»-ը՝ վկայակոչելով «Ինտերֆաքս» գործակալությունը: Մոտ 200 մարդ լուրջ վնասվածներ է ստացել:
Տուժածների թիվն աճել է այն բանից հետո, երբ վնասվածներ ու այրվածքներ ստացած մարդիկ ինքնուրույն են կարողացել հիվանդանոցներ հասնել: Ավելի վաղ տեղեկացվում էր, որ պատահարի արդյունքում տղամարդ է վախճանվել:
Պատահարը տեղի է ունեցել Սինբեյ քաղաքի զվարճանքների այգում շաբաթ օրը՝ Color Play Asia տոնակատարության ընթացքում, երբ գունավոր փոշի են ցանում հավաքվածների վրա: Ենթադրաբար փոշին բռնկվել է առայժմ անհայտ պատճառներով, ինչի արդյունքում հարյուրավոր մարդիկ այրվածքներ են ստացել: Այնուհետեւ որոտացել է պայթյունը:
Բաժանորդագրվեք մեր ալիքին Telegram-ում
