368.52
Ալեքսանդր Լուկաշենկո. «Ինքնիշխանությունն ու անկախությունը չի վաճառվում գազով ու նավթովե
1 րոպեի ընթերցում
ՄԻՆՍԿ, 8 ՀՈՒՆՎԱՐԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն հայտարարել է, որ լի է հանրապետության առջեւ ծառացած հիմնախնդիրները հաղթահարելու վճռականությամբ: «Ինքնիշխանությունն ու անկախությունը չի վաճառվում բնական գազով ու նավթով, ես գիտեմ դրա հետեւանքներըե,- ասել է Լուկաշենկոն՝ հավատացյալների առջեւ ելույթ ունենալով Սուրբ հոգու մայր տաճարում: «Ինքնիշխանությունն ու անկախությունը սրբազան են: Մենք հպարտ ժողովուրդ ենք, եւ ես՝ որպես անկախ երկրի պետության առաջին ղեկավար, չեմ կարող թույլ տալ մեր անկախության կորուստըե,- նշել է Բելառուսի նախագահը: Նա ընդգծել է, որ «մենք կդիմակայենք բոլոր հարձակումներին ու ճնշմանըե: «Մենք գիտենք՝ ինչ են մեզանից ուզում հակառակորդները, եւ գիտենք գինն այն բանի, ինչը մեզնից ուզում են բարեկամները: Դուք ականատեսն եք, թե ինչ է կատարվում մեր բարեկամների նկատմամբե,- ասել է Լուկաշենկոն: Նա հավաստիացրել է, որ բելառուս ժողովուրդը հիմնախնդիրներ չի ունենա երկրի էկոնոմիկայում: «Դուք չեք զգա այն լարվածությունը, որը ծայր է առնում տնտեսական իրադրության կապակցությամբ: Մենք լի ենք մեր առջեւ ծառացած բոլոր հիմնախնդիրները հաղթահարելու վճռականությամբ... Ես կպաշտպանեմ մեր նվաճումներըե,- հայտարարել է Ալեքսանդր Լուկաշենկոն:
Բաժանորդագրվեք մեր ալիքին Telegram-ում