Արամ Ա կաթողիկոսը Կանադայից ակնկալում է փոքրամասնությունների բռնազավթած գույքը վերադարձնելու կոչ ուղղել Թուրքիային

2 րոպեի ընթերցում

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Ն.Ս.Օ.Տ.Տ Արամ Ա կաթողիկոսը Կանադայի մայրաքաղաք Օտտավայում հանդիպել է Կրոնական ազատության նախարար Էնդրու Բեննըթի և նախարարության բարձարստիճան պատասխանատուների հետ: Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից: Հանդիպման ընթացքում կողմերը քննարկել են կրոնների ազատության սկզբունքներին առնչվող զանազան հարցեր: Նախարար Բեննըթը նշել է, որ այս օրերին Միջին Արևելքի իրադարձություններն իրենց օրակարգում հրատապ հարցեր են, մտահոգությամբ հետևում են Սիրիայում քրիստոնեության ու հայության դիմագրաված դժվարությունններին: Նա նաև նշել է, որ աշխատանք են տանում միջազգային հանրության ուշադրությունը կենտրոնացնելու շրջանի ներսում փոքրամասնությունների դիմագրաված դժվարությունների վրա:

Վեհափառը նաև առաջարկել է, որպեսզի Կանադային խորհրդարանը Կրոնական ազատության նախարարության կողմից առաջարկված հատուկ բանաձև որդեգրի, որով Թուրքիայից պահանջի վերջ տալ կրոնական ազատության բոլոր խախտումներին և վերադարձնել Թուրքիայում բռնագրավված բոլոր պաշտամունքի վայրերը, վանքերը, համայնքային դպրոցներն ու հիվանդանոցները, սրբավայրերը և եկեղեցապատկան ու ազգապատկան կալվածքները, իրենց օրինական իրավատերերին: Նա նաև հայտնել է, որ Մեծի Տանն Կիլիկիո կաթողիկոսությունը նախաքայլ է կատարել և Թուրքիայի Սահմանադրական դատարանում դատ է բացել` պահանջելով Սիսի պատմական կաթողիկոսարանի վերադարձը, որ բազմաթիվ այլ եկեղեցապատկան և ազգապատկան կալվածքների նման բռնագրավված էր օսմանյան կառավարության կողմից:

Ավելի վաղ Արամ Ա-ն Կանադայում հանդիպել էր վարչապետի, Պաշտպանության նախարար հետ:

Հայերեն

Անհրաժեշտ կլինեն բարդ որոշումներ. Քուշները հայտնել է ռուս-ուկրաինական հակամարտության կարգավորման գործում առաջընթացի մասին

Եվրոպական ինդեքսները նվազել են - 16/11/26

Ամերիկյան ինդեքսները նվազել են - 16/11/26

NYMEX. Թանկարժեք մետաղների գները նվազել են - 16/11/26

Նավթի գները նվազել են - 16/11/26

Դասական երաժշտությունը պետք է հասանելի դարձնել ամբողջ հանրությանը. Դանիել Դանիելյանը՝ Ազգային ֆիլհարմոնիկ նվագախմբի ռազմավարության մասին

Մոնղոլիայի նախագահը հրաժարական է տվել կոռուպցիայի մեղադրանքների պատճառով

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ