Նեպալում նոր ուժգին երկրաշարժ է տեղի ունեցել
1 րոպեի ընթերցում
![Նեպալում նոր ուժգին երկրաշարժ է տեղի ունեցել](http://armenpress.am/resized/480/static/news/b/2015/04/803359.jpg)
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Նեպալի մայրաքաղաք Կատմանդուից 65 կմ արեւելք 6,5 մագնիտուդ ուժգնությամբ նոր երկրաշարժ է տեղի ունեցել: Այս մասին, ինչպես հաղորդում է «Արմենպրես»-ը, տեղեկացրել է Եվրոպական-միջերկրածովյան սեյսմոլոգիական կենտրոնը: Ստորգետնյա ցնցումների օջախը գտնվել է 10 կմ խորության վրա:
Շաբաթ օրը, առավոտյան ժամը 09:11-ին Նեպալում տեղի է ունեցել 7.9 մագնիտուդ ուժգնությամբ երկրաշարժ: Դրան հետեւել է ստոգետնյա ցնցումների նոր շարք, որոնցից ամենահզորը` 6.6 բալ ուժգնությամբ:
ՄԱԿ-ի տվյալներով աղետից տուժել են նվազագույնը 6.6 մլն մարդ: Վերջին տվյալների համաձայն զոհերի թիվը գերազանցում է 2 հազարը: