1 րոպեի ընթերցում
ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Հորդանանի սահմանապահերը վերջին 72 ժամվա ընթացքում սիրիացի 106 փախստականների են ընդունել: Ինչպես հաղորդում է«Արմենպրես»-ը՝ վկայակոչելով արաբական լրատվամիջոցները, նրանց ապահովել են ուտելիքով, անհրաժեշտ իրերով, այնուհետև տեղափոխել են փախստականների ընդունման կենտրոններ:
Հորդանանը համարվում է սիրիական ճգնաժամի սկզբիցամենամեծ թվով սիրիացի փախստականների ապաստան տված երկրներից մեկը: Սիրիա-հորդանանյան սահմանի երկարությունը կազմում է 378 կմ, որտեղով բազմաթիվ սիրիացի փախստակններ անօրինական ճանապահով մուտք են գործում Հորդանանի տարածք:
Սիրիական ճգնաժամի ընթացքում Հորդանանում անվտանգության հետ կապված խնդիրներ են առաջացել:
Էմիրությունների Կարմիր մահիկի կազմակերպության ղեկավար շեյխ Համդան բն Զեյդ ալ Նիհյանը հայտարարել է, որ մոտ 16 միլիոն դոլար է հատկացվել սիրիացի փախստականներին: Նշված գումարի մի մասը կհատկացվի Հորդանանում հաստատված փախստականներին, մյուս մասը` Լիբանանում և Իրաքյան Քրդստանում ապաստանած սիրիացի փախստականներին:
Համաձայն վիճակագրական տվյալների՝ Լիբանանում սիրիացի փախստականների թիվը կազմում է 1 միլիոն 140 հազար, Թուրքիայում՝ մոտ 1 միլիոն, Հորդանանում շուրջ 608 հազար: