Չինաստանի հարավ-արևմուտքում երկրաշարժի հետևանքով 4 մարդ է մահացել
1 րոպեի ընթերցում
![Չինաստանի հարավ-արևմուտքում երկրաշարժի հետևանքով 4 մարդ է մահացել](http://armenpress.am/resized/480/static/news/b/2014/11/785068.jpg)
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Չինաստանի հարավարևմտյան Սինչուան արվարձանում տեղի ունեցած երկրաշարժի հետևանքով մահացել է չորս մարդ, ևս 54-ը ստացել է տարբեր աստիճանի մարմնական վնասվածքներ: «Արմենպրես»-ի հաղորդմամբ` ինչպես տեղեկացնում է «ՏԱՍՍ»-ը, չինացի սեյսմոլոգների հաղորդած տվյալների համաձայն, երկրաշարժի էպիկենտրոնը գտնվել է 18 կմ խորության վրա: Տարբեր աստիճանի ավերածությունների են ենթարկվել 25 հազար տներ, ավելի քան վեց հազար բնակիչներ ժամանակավորապես տեղափոխվել են անվտանգ տարածքներ: Ավելի վաղ հայտարարվել է, որ ստորգետնյա ցնցումների հետևանքով վնասվել է Քանդինեի օդանավակայանը, ինչը, սակայն, ավիափոխադրումների բնականոն հունի վրա չի ազդել: Բացառությամբ երկրաշարժի էպիկենտրոնում գտնվող Թագուն քաղաքի, մյուս տարածաշրջաների հեռահաղորդակցության և էներգամատակարարման համակարգերը չեն տուժել:
ՉԺՀ-ի նախագահ Սի Ցզինպինը և վարչապետ Լի Կեցյանը հանձնարարել են կարճ ժամանակահատվածում վերացնել աղետի հետևանքները, ինչպես նաև օգնություն ցուցաբերել երկրաշարժի հետևանքով տուժածներին: