Լոնդոնի Հիթրոու օդանավակայանում վատ եղանակի պատճառով չեղյալ Է հայտարարվել հարյուրից ավելի չվերթ

ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Լոնդոնի Հիթրոու օդանավակայանում վատ եղանակի պատճառով չեղյալ Է հայտարարվել մինչեւ 130 չվերթ: Այս մասին, ինչպես տեղեկացնում Է «Արմենպրես»-ը, ՏԱՍՍ-ին հայտնել Է օդանավակայանի ներկայացուցիչը:

Նրա խոսքով՝ ձեռնարկված միջոցները նախազգուշական բնույթ են կրում, քանի որ, կանխատեսման համաձայն՝ օրվա ընթացքում սպասվում են փոթորկալի քամու պոռթկումներ:

Չեղյալ հայտարարված չվերթերը վերաբերում են Մայնի Ֆրանկֆուրտի եւ Մյունխենի, ինչպես նաեւ Կարիբյան ավազանի մի շարք երկրների օդանավակայանների հետ ավիահաղորդակցությանը:

Ըստ օդերեւութաբանների հաղորդումների՝ Մեծ Բրիտանիայում ցիկլոնի պատճառով սպասվում Է փոթորիկ: Մասնավորապես, Հյուսիսային Իռլանդիայում քամու արագությունն արդեն հիմա հասնում Է վայրկյանում 20 մետրի: Տուժածների կամ ավերածությունների մասին հաղորդումներ չեն ստացվել: