Արմավիր-Գյումրի ճանապարհին «Օպել»-ը դուրս է եկել երթևեկելի գոտուց և շրջվել

ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Արմավիր-Գյումրի ճանապարհի 44-րդ կմ-ին սեպտեմբերի 24-ին` ժամը 21.00-ի սահմաններում, «Օպել Վեկտրա» մակնիշի ավտոմեքենան դուրս է եկել երթևեկելի գոտուց և շրջվել: Պատահարի հետևանքով ուղևորը մարմնական վնասվածքով դիմել է հիվանդանոց: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, կատարվում է քննություն: