1 րոպեի ընթերցում
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: Միացյալ Նահանգների Միջազգային զարգացման գործակալությունը (ՄԶԳ), որը մտնում Է ԱՄՆ-ի Պետդեպարտամենտի կառուցվածքի մեջ, Արեւմտյան Աֆրիկայում ծավալում Է փորձագետների առաքելություն՝ տարածաշրջանի երկրներին օգնություն ցույց տալու համար Էբոլա տենդի բռնկման դեմ պայքարի գործում, տեղեկացնում Է «Արմենպրեսը»:
Ինչպես հաղորդել Է Միջազգային զարգացման գործակալության մամուլի ծառայությունը, տեղ ժամանող ամերիկացի մասնագետները «կհամակարգեն Էբոլա տենդի բռնկման դեմ ԱՄՆ-ի կառավարության պատասխան գործողությունները»:
Ինչպես ԻՏԱՌ-ՏԱՍՍ-ին հայտարարել Է ՄԶԳ-ի մամուլի ծառայության աշխատակիցը, իր գերատեսչությունը եւ Հիվանդությունների վերահսկման եւ կանխարգելման կենտրոնն Արեւմտյան Աֆրիկա են գործուղում «մոտավորապես 60 մարդ»: Բացի դրանից, ՄԶԳ-ն 5 միլին դոլար Է տրամադրել որպես լրացուցիչ ֆինանսական օգնություն, որ նախատեսված Է Գվինեայում, Սիեռա Լեոնեում եւ Լիբերիայում Էբոլա տենդի դեմ պայքարի ծրագրերի իրագործման համար: