2 րոպեի ընթերցում
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Արեւմտյան Աֆրիկայի չորս երկրների իշխանությունները պայմանավորվել են բանակային հատուկ ստորաբաժանում ստեղծել «Բոկո Հարամ» արմատական իսլամիստական խմբավորման դեմ պայքարելու համար, որն ակտիվորեն գործում Է Նիգերիայի հյուսիս-արեւելքում: Այդ մասին, ինչպես տեղեկացնում Է «Արմենպրես»-ը, հուլիսի 24-ին հաղորդել Է Reuters գործակալությունը:
Ձեռք բերված պայմանավորվածության համաձայն՝ չորս երկրներից յուրաքանչյուրը՝ Նիգերիան, Նիգերը, Չադը եւ Կամերունը, կհատկացնեն 700-ական զինծառայող:
«Այդ քայլը մեր պատրաստակամության վկայությունն Է՝ հնարավոր ամեն ինչ անել այդ չարիքն արմատախիլ անելու համար»,-հայտարարել Է Նիգերի պաշտպանության նախարար Կարիջո Մահամադոն՝ ամփոփելով չորս երկրների պաշտպանական գերատեսչությունների ղեկավարների հանդիպման արդյունքները:
Հուլիսի 23-ի երեկոյան Reuters-ը հաղորդել Էր, որ առնվազն 50 մարդ Է զոհվել Նիգերիայի Կադունա քաղաքի շուկայում իրականացված պայթյունի հետեւանքով: Ավելի վաղ նույն քաղաքում որոտացել Էր եւս մեկ պայթյուն, ինչի հետեւանքով զոհվել Էր ավելի քան 30 մարդ: Ոստիկանության տվյալներով՝ ահաբեկչական գործողությունն ուղղված Էր իսլամական հոգեւորականության ներկայացուցչի դեմ, որն ավելի վաղ քննադատության Էր ենթարկել «Բոկո Հարամ» խմբավորման գործողությունները:
«Բոկո Հարամը» արմատական իսլամիստական խմբավորում Է, որն ակրտիվորեն գործում Է Նիգերիայում: Նրա զինյալները հանդես են գալիս կրթության արեւմտյան մոդելի դեմ եւ ձգտում են հասնել ամբողջ երկրում շարիաթի հաստատմանը: Խմբավորման զինյալների կողմից երկրում պարբերաբար կատարվում են ահաբեկչական գործողություններ: Նիգերիայի նախագահ Գուդլաք Ջոնաթանը դեռ մեկ տարի առաջ հայտարարել Է մի շարք նահանգներում արտակարգ դրություն մտցնելու մասին՝ կապված «Բոկո Հարամի» զինյալների հարձակումների սպառնալիքի հետ, հաղորդել Է ՌԻԱ Նովոստի գործակալությունը: