Ուկրաինայում մալայզիական օդանավի վթարի շուրջ առաջին արձագանքները
1 րոպեի ընթերցում
![Ուկրաինայում մալայզիական օդանավի վթարի շուրջ առաջին արձագանքները](http://armenpress.am/resized/480/static/news/b/2014/07/769837.jpg)
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ։ Ուկրաինայում ռազմական գործողությունների անցկացման հատվածներում կարող են փակվել օդային միջանցքները քաղաքացիական ավիացիայի համար։ Ինչպես հաղրոդում է «Արմենպրես»-ը՝ վկայակոչելով ռուսական «Ինտերֆաքս»-ը, լրատվական գործակալության աղբյուրը նշել է, որ ներկայումս մանրամասն քննարկվում է այդ հարցը։
Ըստ որոշ տեղեկությունների, ինքնաթիռը թռիչք է կատարել 10 կմ-ից ավելի բարձրությամբ, այնինչ Ուկրաինան թռիչքների առավելագույն բարձրություն է սահմանել է 10 կմ-ն։ Malaysia Airlines ընկերությունն էլ այդ ընթացքում հաստատել է, որ թռիչքի ժամանակ Ուկրաինայից հաղորդագրություն է ստացել, թե դիսպետչերները կորցրել են «Բոինգ 777»-ի հետ կապը։ Նրանք նաև հաստատել են, որ ինքնաթիռում եղել են 280 ուղևորներ և անձնակազմի 15 անդամներ։ ԻՏԱՌ-ՏԱՍՍ-ի փոխանցմամբ՝ Եվրահանձնաժողովը պահանջել է արագ հետաքննություն անցկացնել Ուկրաինայում կատարվածի առնչությամբ։ Այդ մասին հայտարարել է հանձնաժողովի նախագահ Ժոզե Բառոզուն։ Նույն աղբյուրի հաղորդմամբ՝ փորձագետները դեռևս խուսափում են որոշակի եզրակացություններ անել` սպասելով նախաքննության արդյունքներին։