1 րոպեի ընթերցում
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: ՀայաստանըԵվրասիական տնտեսական միությանն, ամենայն հավանականությամբ, կանդամակցի հոկտեմբերի վերջին: Նման հայտարարություն հուլիսի 17-ին կատարեց ՀՀ վարչապետ Հովիկ Աբրահամյանը` ՀՀԿ գործադիր մարմնի նիստից առաջ, լրագրողների հետ կարճատեւ զրույցում:
«Արմենպրես»-ի փոխանցմամբ, վարչապետը ԵՏՄ-ին Հայաստանիանդամակցության եւ Սոչիում իր եւ ՌԴ վարչապետ Դմիտրի Մեդվեդեւի հանդիպման վերաբերյալ լրագրողների հարցերին չպատասխանեց` խորհուրդ տալով բավարարվել այն տեղեկատվությամբ, որ տարածել է կառավարությունը: