Կայացել է ՀՀ ազգային փոքրամասնությունների հարցերով խորհրդի նիստը
1 րոպեի ընթերցում
![Կայացել է ՀՀ ազգային փոքրամասնությունների հարցերով խորհրդի նիստը](http://armenpress.am/resized/480/storage/images/articles/2024/07/17/oYbSDVLlJ8GsB7aGg5Qh4mhPixV0VsKNcEMoV1SY.webp)
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Կառավարությունում վարչապետի աշխատակազմի ղեկավար Արայիկ Հարությունյանի նախագահությամբ կայացել է ՀՀ ազգային փոքրամասնությունների հարցերով խորհրդի հերթական նիստը:
Ինչպես «Արմենպրես»-ին տեղեկացրին ՀՀ վարչապետի աշխատակազմից, նիստի սկզբում ներկայացվել է դրա օրակարգը։
Ըստ աղբյուրի՝ հանդիպման ընթացքում քննարկվել է ազգային փոքրամասնությունների տոնի կապակցությամբ միջոցառումների նախնական ծրագիրը։
Նշվում է, որ անդրադարձ է կատարվել ազգային փոքրամասնությունների հասարակական կազմակերպությունների կողմից հրատարակվող թերթերի ֆինանսավորման հետ կապված հարցերին։