Երևանի Արգիշտի փողոցում ծառին բախված «Հոնդա»-ի վարորդը տեղափոխվել է հիվանդանոց

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: ՀՀ ԱԻՆ-ում հուլիսի 11-ին` ժամը 07.11-ին, ահազանգ է ստացվել, որ Երևանի Արգիշտի փողոցում` «ՎիվաՍել-ՄՏՍ» գրասենյակի մոտակայքում, տեղի է ունեցել ՃՏՊ. կա տուժած, անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ դեռևս չբացահայտված հանգամանքներում «Հոնդա» մակնիշի 24ՕՕ408 պետհամարանիշով ավտոմեքենան դուրս է եկել ավտոճանապարհի երթևեկելի հատվածից և բախվել ծառին, ինչից վարորդ Ա. Թ.-ը (ծնված 1978թ.), ստանալով տարբեր աստիճանի մարմնական վնասվածքներ, հոսպիտալացվել է Մխիթար Հերացու անվան թիվ 1 համալսարանական կլինիկա:

Հրշեջ-փրկարարները փակել են գազի փականը և հոսանքազրկել ավտոմեքենան: