Երևանում ուժեղ քամու պատճառով տանիքներ են վնասվել

ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Հունիսի 30-ին ժամը 19.00-ից սկսած ահազանգեր են ստացվել, որ Երևանի տարբեր վարչական շրջաններում ուժեղ քամու հետևանքով վնասվել են շենքերի տանիքներ, ծառեր և էլեկտրական սյուներ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, բոլոր ահազանգերով կազմակերպվել է արձագանքում, ինչպես նաև ներգրավված են քաղաքապետարանի համապատասխան աշխատակիցներ: