1 րոպեի ընթերցում
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Բելառուսի Նախագահ Ալեքսանդր Լուկաշենկոն հայտարարել Է, որ մայիսի 9-25-ը Մինսկում կայանալիք տափօղակով հոկեյի աշխարհի առաջնությունը օրինակելի մրցաշար պետք Է դառնա: Այս մասին տեղեկացնում Է «Արմենպրես»-ը, վկայակոչելով ԻՏԱՌ-ՏԱՍՍ գործակալությունը:
«Մենք պետք Է ամեն ինչ անենք, որպեսզի ամբողջ միջազգային հանրությունը տեսնի, որ Բելառուսը Եվրոպայի կենտրոնում գտնվող քաղաքակիրթ երկիր Է: Պետք Է լավագույնս ապահովենք մրցաշարի մասնակիցների եւ հյուրերի անվտանգությունը` թույլ չտալով որեւէ սադրանք»,- ասել Է Լուկաշենկոն:
Նա նշել Է, որ Բելառուսը պատրաստ Է հոկեյի աշխարհի առաջնության անցկացմանը եւ եթե նույնիսկ ինչ-որ թերություններ դեռ մնացել են, ապա դրանց վերացման համար ժամանակ կա, եւ առաջնության կազմակերպիչները կզբաղվեն այս հարցով: