Հայաստանի մարմնամարզիկները հավակնելու են մեդալների եւ ուղեգրերի. Հակոբ Սերոբյան
2 րոպեի ընթերցում
![Հայաստանի մարմնամարզիկները հավակնելու են մեդալների եւ ուղեգրերի. Հակոբ Սերոբյան](http://armenpress.am/resized/480/static/news/b/2014/03/754259.jpg)
ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Հայաստանի մարմնամարզիկները իրենց առջեւ բավականին լուրջ նպատակներ են դրել:
Այս մասին «Արմենպրես»-ի թղթակցի հետ զրույցում ասաց միջազային կարգի մրցավար, մարմնամարզության վաստակաշատ մարզիչ Հակոբ Սերոբյանը:
-Պարոն Սերոբյան, ի՞նչ նպատակների մասին Է խոսքը:
- Սկսեմ հերթով: Նախ 4 մարմնամարզիկներ՝ Արթուր Դավթյանը, Վահագն Դավթյանը, Հարություն Մերդինյանը եւ Արթուր Թովմասյանը կմասնակցեն մարտի 24-29-ը Քաթարի մայրաքաղաք Դոհայում կայանալիք մարմնամարզության աշխարհի գավաթի խաղարկությանը:
Սա լուրջ միջազգային մրցաշար Է, որին կմասնակցեն շուրջ 40 երկրների մարզիկներ: Առանձին վարժություններում մասնակիցների թիվը կարող Է հասնել մինչեւ 30-70-ի: Ամեն դեպքում մրցակցությունը շատ լուրջ Է լինելու: Ռուսաստան, Չինաստան, Ճապոնիա՝ մարզաձեւի բոլոր առաջատար երկրները ներկայացված կլինեն Քաթարում:
-Հայաստանի մարզիկները ո՞ր տեղերին են հավակնելու:
- Մեր մարմամարզիկ Արթուր Դավթյանը այս մրցաշարում նախկինում արդեն նվաճել Է մեդալներ: Մեդալնի կհավակնեն նաեւ նրա թիմակիցները:
- Աշխարհի գավաթի խաղարկությունից հետո Բուլղարիայում կանցկացվի մարմնամարզության Եվրոպայի առաջնությունը:
-Աշխարհի գավաթի մրցաշարը շատ լավ քննություն կլինի Եվրոպայի առաջնությունից առաջ: Ի դեպ, եվրոպական մրցաշարում խաղարկվելու են 2014 թվականին Չինաստանում կայանալիք պատանեկան 2-րդ օլիմպիական խաղերի մարմնամարզության մրցաշարի ուղեգրեր, եւ մեր մարզիկները կհավակնեն դրանց:
- Բուլղարիա մեկնող Հայաստանի հավաքականի կազմն արդեն որոշվա՞ծ Է:
- Նախատեսվում Է, որ եվրոպական առաջնությանը կմասնակցեն աշխարհի գավաթի խաղարկությանը մասնակցած մեր 4 մարզիկները:
- Ժամանակին Դուք ասել եք, որ միջազգային մրցումներում հաջող հանդես գալու համար անհրաժեշտ Է ունենալ ոչ միայն բարձրակարգ մարզիկներ, այլեւ միջազգային կարգի մրցավարներ:
- Այս կարեւոր խնդիրը Հայաստանի մարմնամարզության եւ ակրոբատիկայի ֆեդերացիան արդեն լուծել Է:-0-/88/ 9.34
Զրուցեց Զավեն Վարդանյանը