387.75
Հնդկաստանում գործարանի պայթյունի հետևանքով 6 մարդ է զոհվել
1 րոպեի ընթերցում
ԵՐԵՎԱՆ 27 ՓԵՏՐՎԱՐԻ, ԱՐՄԵՆՊՐԵՍ: Հնդկաստանի արևմտյան Մահարաշտրա նահանգի Ռայգադ շրջանի գործարանում փետրվարի 27-ին տեղի ունեցած պայթնունի հետևանքով 6 մարդ զոհվել է, կա ևս 20 տուժած: Ինչպես հաղորդում է «Արմենպրես»-ն, այս մասին տեղեկացնում է ԻՏԱՌ-ՏԱՍՍ-ը՝ վկայակոչելով հնդկական The Hindu թերթը:
Պայթունից հետո շենքի պատերը մասնակիորեն փլվել են, ինչից հետո հրդեհ է սկսվել: Բոլոր տուժածները տեղափոխվել են մոտակա հիվանդանոցներ:
Նախնական տվյալներով` պայթյունը տեղի է ունեցել անվտանգության ապահովման կանոնների խախտման հետևանքով: Ոստիկանությունը հարցաքննում է գործարանի սեփականատիրոջը, սկսվել է հետաքննություն:
Բաժանորդագրվեք մեր ալիքին Telegram-ում
