Ապարանում մահվան ելքով վրաերթ է տեղի ունեցել

ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: «ՎԱԶ-2121» մակնիշի ավտոմեքենայի վարորդը Ապարանի Բաղրամյան փողոցի թիվ 67 տան դիմաց փետրվարի 9-ին` ժամը 19.15-ի սահմաններում, վրաերթի է ենթարկել 1938թ. ծնված Վոլոդյա Հակոբյանին, որը տեղում մահացել է: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, վարորդը ներկայացել է բաժին: Կատարվում է նախաքննություն: