Սևան-Լճաշեն ճանապարհին «ԿաՄԱԶ»-ին բախված «Օպել»-ի վարորդը տեղափոխվել է հիվանդանոց

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Սևան-Լճաշեն ավտոճանապարհին հունվարի 30-ին` ժամը 07.12-ին, տեղի է ունեցել ՃՏՊ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Պարզվել է, որ բախվել են «ԿաՄԱԶ» մակնիշի 17 ՍՕ 952 և «Օպել» մակնիշի 24 ՕՕ 817 պետհամարանիշների ավտոմեքենաները:Հրշեջ-փրկարարները հատուկ տեխնիկայի օգնությամբ «Օպել» մակնիշի ավտոմեքենայից դուրս են բերել վարորդ`1991թ. ծնված Ս. Հ.-ին, ով տեղափոխվել է Սևան քաղաքի ԲԿ: Բժիշկները տուժածի առողջական վիճակը գնահատել են միջին ծանրության: