2 րոպեի ընթերցում
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: ԵրևանիԼենինգրադյան-Սեբաստիա, Խանջյան-Չարենց,Օրբելի-Կիևյան փողոցների խաչմերուկների հունվարի 27-ի երեկոյան դրությամբ խափանված լուսաֆորների աշխատանքը կվերականգնվի հունվարի 28-ի առավոտյան: Այս մասին «Արմենպրես»-ին հայտնեց «Լուսանշան» ՊՈԱԿ-ի շահագործման բաժնի պետ Վաչիկ Խաչատրյանը:
«Լուսաֆորների հրատապ վերանորոգումը հնարավոր չէ «Լուսանշան»-ում երեկոյան հերթափոխի բացակայության պատճառով»,- նշեց բաժնի պետը: Ըստ նրա` կազմակերպությունը գործում է ՀՀ Ոստիկանության ենթակայության ներքո:
Ինչպես «Արմենպրես»-ին տեղեկացրեց ՀՀ ոստիկանության Օպերատիվ կառավարման կենտրոնի ավագ տեսուչ, մայոր Արսեն Հարությունյանը` քաղաքացիներից ահազանգ է ստացվել, որ չեն աշխատում նաևԽանջյան-Սայաթ-Նովափողոցների խաչմերուկի լուսաֆորները, սակայն Վաչիկ Խաչատրյանը նշեց, որ այս մասին «Լուսանշան»-ը հաղորդում չի ստացել: Նրա խոսքով` հնրավոր է, որ այդ խաչմերուկի լուսաֆորները կարճ ժամանակով են խափանվել, օրինակ, կարճ միացման պատճառով, իսկ հետո նորից սկսել են աշխատել:
Ըստ մայոր Հարությունյանի`չաշխատող լուսաֆորների մասին ահազանգերն ստացվում ենՕպերատիվ կառավարման կենտրոնում, և այդ մասին տեղեկատվությունը փոխանցվում է «Լուսանշան», որն էլ իրականացնում է լուսաֆորների վերանորոգումը: