Մարոկկոյում ավտոբուսի շրջվելու հետևանքով ավելի քան 4 տասնյակ մարդ է տուժել

ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Մարոկկոյի հարավում գտնվող Սուեյրա քաղաքում հոկտեմբերի 31-ի գիշերը ավտովթար է տեղի ունեցել: Ինչպես հաղորդում է «Արմենպրես»-ը, այս մասին հաղորդում է Մարոկկոյի պաշտոնական լրատվական գործակալությունը: Բժշկական աղբյուրների տեղեկացմամբ ավտոբուսի շրջվելու հետևանքով 12 մարդ զոհվել է, ևս 30-ը՝ վիրավորվել:

Առողջապահության նախարարության ներկայացուցիչ Աբդ ալ Մուլա բու ալ Համիզաթը տեղեկացրել է, որ 9 քաղաքացիներ զոհվել են դեպքի վայրում, իսկ 3-ը՝ հիվանդանոց տեղափոխվելուց հետո, իսկ 30 վիրավորներից 13-ի առողջական վիճակը չափազանց ծանր է:

Տեղեկություններ կան նաև այն մասին, որ ավտոբուսըշրջվել էայն պատճառով, որ վարորդը կորցրել է վերահսկողությունը: Մարոկկոն արաբական երկրների թվում առաջին տեղն է զբաղեցնում ավտոպատահարների միջադեպերով: Տարեկան միջին հաշվով 4100 մարդ է դառնում ավտոպատահարների զոհ և ավելի քան 20 հազար մարդ ծանր վնասվածք է ստանում: