1 րոպեի ընթերցում
ԵՐԵՎԱՆ, 10 ՕԳՈՍՏՈՍԻ, ԱՐՄԵՆՊՐԵՍ: Ադրբեջանի Կենտրոնական ընտրական հանձնաժողովը հաստատել է հոկտեմբերի 9-ին կայանալիք նախագահական ընտրություններում գործող նախագահ Իլհամ Ալիևի թեկնածությունը:
Ինչպես փոխանցում է «Արմենպրես»-ը` վկայակոչելով ադրբեջանական լրատվամիջոցները, «Ենի Ազերբայջան» կուսակցության ղեկավար Ալիևի թեկնածությունը հաստատվել է միաձայն` ԿԸՀ նախագահ Մազայիր Փանահովի նախագահությամբ:
ԿԸՀ ներկայացվել են վեց թեկնածուների փաստաթղթեր: Նրանց թվում են գործող նախագահ Իլհամ Ալիևը, «Ազադլըգ» կուսակցության նախագահ Ահմեդ Օրուջը, «Քաղաքացիների և զարգացման» կուսակցության նախագահ Ալի Ալիևը, Լիբերալ կուսակցության նախագահ Ֆուադ Ալիևը, իրավաբան Իլգար Մամեդովը և ինքնաառաջադրված «ՈՒմիդ» կուսակցության նախագահ Իհբալ Ահազադեն: