Մինսկի օդանավակայանը փակ է վատ եղանակի պատճառով

ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Բարդ եղանակային պայմանները խախտել են մեկնումների եւ ժամանումների ցուցակները Մինսկի ազգային օդանավակայանում: Ինչպես հաղորդում է «Արմենպրես»-ը` վկայակոչելով interfax.ru-ն, եթե օրվա առաջին կեսին մեկ ժամով հետաձգվել էր Մոսկվայից Մինսկ չվերթը, ապա Մոսկվայից հաջորդ ինքնաթիռը չի կարողացել վայրէջք կատարել Բելառուսի օդանավակայանում` Մինսկի օդանավակայանի փակվելու պատճառով:

Մոսկվա-Մինսկ չվերթն իրականացնող ինքնաթիռը վայրէջք է կատարել Գոմելե քաղաքում: Երբ Մինսկի ազգային օդանավակայանը վերականգնի աշխատանքը, օդանավը բոլոր ուղեւորներով կթռչի Մինսկ: