1 րոպեի ընթերցում
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևը Շվեյցարիայի Դավոս քաղաքում մեկնարկած Համաշխարհային տնտեսական ֆորումի շրջանակներում հանդիպել է Թուրքիայի արտաքին գործերի նախարար Ահմեդ Դավութօղլուի հետ: Ինչպես հաղորդում է «Արմենպրես»-ը, այս մասին տեղեկացնում է ադրբեջանական Anspress.com-ը:
Հանդիպման ժամանակ կողմերն իրենց գոհունակությունն են հայտնել երկկողմ հարաբերությունների զարգացման ոլորտում: Դավութօղլուն Ալիևին է փոխանցել Թուրքիայի նախագահ Աբդուլլա Գյուլի և վարչապետ Ռեջեփ Թայիփ Էրդողանի ողջյունները: Կողմերը նշել են երկու երկրների կողմից իրականացվող մի շարք ծրագրերի նշանակությունը, մասնավորապես` Տրանսանատոլիական գազատարի նախագծի մասին:
Դավութօղլուն և Ալիևը վստահությունն են հայտնել թուրք-ադրբեջանական համագործակցության հաջող զարգացման և ապագայի վերաբերյալ: Նրանք քննարկել են նաև Լեռնային Ղարաբաղի հակամարտության կարգավորման ներկա դրությունը: