Աֆրիկայում փիղ որսալիս անհաջող ընկած Իսպանիայի թագավորին վիրահատել են

ԵՐԵՎԱՆ 24 ՆՈՅԵՄԲԵՐԻ ԱՐՄԵՆՊՐԵՍ: Իսպանացի վիրաբույժները նոյեմբերի 23-ին հաջողությամբ վիրահատել և պրոթեզավորել են Իսպանիայի թագավոր Խուան Կառլոս Առաջինի կոնքազդրային հոդը: «Վիրահատությունը հաջողությամբ անցկացվել է ընդհանուր անզգայացմամբ՝ տևելով 90 րոպե», - ինչպես հաղորդում է «Արմենպրես»-ը` վկայակոչելով «ԻՆՏԵՐՖԱՔՍ»-ը, այդ մասին ասվում է իսպանական թագավորական տան հայտարարության մեջ:

Իսպանիայի թագավորն Աֆրիկայում փիղ որսալիս անհաջող վայր էր ընկել և կոտրել կոնքոսկրը 2011 թվականի ապրիլին: Արդյունքում նա կոնքազդրային հոդի երկու վիրահատության էր ենթարկվել: Սա նրա երրորդ վիրահատությունն էր: