Աֆրիկայում նշանակվել Է Անգլիական եկեղեցու առաջին կին եպիսկոպոսը

ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Անգլիական եկեղեցին Աֆրիկայում նշանակել Է առաջին կին եպիսկոպոսին: Խոսքը Շվեյցարիայի 61-ամյա քաղաքացուհի Էլինա Վամիկոյայի մասին Է, հաղորդում Է «Արմենպրես»-ը՝ հղում անելով BBC-ին:

Ձեռնադրումը տեղի Է ունեցել Սվազիլենդի Մանզինի քաղաքում:

Վամիկոյան ասել Է, թե իր նշանակումն Անգլիկան եկեղեցու համար պատմական ուղենիշ Է դարձել մայրցամաքում, որտեղ մյուս քրիստոնեական դավանանքները կանանց թույլ չեն տալիս ստանալ եպիսկոպոսի աստիճան:

Կին-եպիսկոպոսներ նշանակելու Անգլիկան եկեղեցու որոշումը արդեն բուռն բանավեճեր Է առաջացրել բրիտանական հոգեւորականության շրջանում:

Անցյալ տարվա հուլիսին վեճեր Էին բորբոքվել երկրի եկեղեցու ղեկավարության այն որոշման շուրջ, որով միասեռականներին թույլատրվում Էր եպիսկոպոսի աստիճան տալ: