Հայաստանի հավաքականը չօգտագործեց գոլային պահերը. ազգային հավաքականի ֆուտբոլիստները համակարծիք են

ԵՐԵՎԱՆ, 16 ՕԳՈՍՏՈՍ, ԱՐՄԵՆՊՐԵՍ: Հայաստանի ֆուտբոլի ազգային հավաքականի անդամներից մի քանիսը Բելառուսի հետ խաղից հետո կիսվեցին իրենց կարծիքներով:

«Արմենպրես»-ի փոխանցմամբ` ազգային հավաքականի դարպասապահ Ռոման Բերեզովսկու կարծիքով` ամեն ինչ կարծես ազգային ընտարնու դեմ էր: Չնայած տղաները հրաշալի խաղացին առաջին կեսում, սակայն գործոց այսպես կոչված չգրված օրենքը.«եթե դու գոլ չես խփում, քեզ են գոլ խփում»:

«Մենք չկարողացանք օգտագործել ստեղծված իրավիճակները: Նույնիսկ քամին մեր դեմ էր փչում:Ինձ թվում է Մալթայի հետ առաջիկա խաղից առաջ այս հանդիպումը տղաների համար սառը ցնցուղ էր»,-ընդգծեց Բերեզովսկին:

Ազգային հավաքականի անդամ Վալերի Ալեքսանյանի կարծիքով ևս` մեր ընտրանին չօտագործեց ստեղված գոլային պահերը:

«Մեր սխալը նրանում էր, որ մենք ավելի շատ մտածում էինք գոլի մասին: Եթե մենք ունեինք 5 գոլային պահեր եւ օգտագործեցինք միայն մեկը, իսկ հակառակորդ ուներ միայն երկու հնարավորություն եւ այն վերածում է գոլի, դա տրամաբանական չէ»,- ասաց Ալեքսանյանը:

Հավաքականի մյուս անդամները հրաժարվեցին որեւէ մեկնաբանություն տալուց:

Օգոստոսի 15-ին «Հանրապետական» մարզադաշտում կայացած խաղում Բելառուսի ընտրանին Հայաստանի հավաքականի նկատմամբ հաղթանակ տարավ 2-1 հաշվով: