Արամ Առաջինը գտնում է` հայկական օրինագծի ընդունումը ցույց է տալիս Ֆրանսիայի հավատարմությունը մարդու իրավունքներին

2 րոպեի ընթերցում

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Ֆրանսիայի Սենատի կողմից Հայոց ցեղասպանության ժխտումը քրեականացնող օրինագծի ընդունման առթիվ Մեծի տանն Կիլիկիո կաթողիկոս Արամ Առաջինը հայտարարություն է տարածել: Ինչպես «Արմենպրես»-ին տեղեկացրին Մեծի Տանն Կիլիկիո կաթողիկոսարանից, հայտարարության մեջ մասնավորապես ասված է. «Ֆրանսիան իր այդ քայլով ճանապարհ է բացում, որպեսզի Թուրքիան ուղղի իր պատմության սխալները։ 2012թ. հունվարի 23-ի քվեարկությունը մեզ հիշեցնում է Հայոց ցեղասպանության ժամանակ տեղի ունեցած իրադարձութունը, երբ ֆրանսիական նավատորմը փրկեց հայերին և նրանց Լիբանան հասցրեց՝ այդպիսով թույլ չտալով, որ նրանք արժանանան իրենց եղբայրների և քույրերի ճակատագրին։ Քվեարկությունը ցույց տվեց, որ Ֆրանսիան շարունակում է հավատարիմ մնալ մարդու իրավունքներին»։

Վեհափառը նշել է, որ պատմական այդ քվեարկության միջոցով Ֆրանսիան Թուրքիային օգնում է միանալ այնպիսի խիզախ երկրների, ինչպիսիք են՝ Հրեաների ցեղասպանությունը ճանաչած Գերմանիան, 1995թ. Սրեբրենիցայում բոսնիացիների ցեղասպանությունն ընդունած Սերբիան, աբորիգենների ցեղասպանությունն ընդունած Կանադան։

Հայտարարության վերջում Արամ Առաջինն ընդգծել է, որ վերոնշյալ օրինագիծը ևս մեկ հնարավորություն է տալիս Թուրքիային, որպեսզի նա հրաժարվի ժխտողականության քաղաքականությունից, դադարի մարդու իրավունքներին հավատարիմ երկրներին «անպատասխանատու» անվանել, պատմության սխալների շտկմանն ուղղված համարձակ քայլեր ձեռնարկի և վերջապես «անցնի փոխհատուցման գործընթացին»։

Հայերեն Русский

Մոնղոլիայի նախագահը հրաժարական է տվել կոռուպցիայի մեղադրանքների պատճառով

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է