Հայաստանի եւ Վրաստանի վարչապետերը քննարկեցին երկկողմ հետաքրքրություններ ներկայացնող հարցեր
1 րոպեի ընթերցում
ԲԱԹՈւՄԻ, 18 ՆՈՅԵՄԲԵՐԻ, ԱՐՄԵՆՊՐԵՍ: ՀՀ վարչապետ Տիգրան Սարգսյանն այսօր երկօրյա այցով ժամանեց Վրաստան: Բաթումիի օդանավակայանում նրան դիմավորեց Վրաստանի Հանրապետության վարչապետ Նիկա Գիլաուրին: Ինչպես հաղորդում է «Արմենպրես»-ի թղթակիցը Բաթումիից, կայացավ երկու երկրների կառավարությունների ղեկավարների երկկողմ պաշտոնական հանդիպումը:
Ողջունելով Տիգրան Սարգսյանին՝ Վրաստանի վարչապետը նշեց, որ վաղը տեղի կունենա հայ-վրացական միջկառավարական հանձնաժողովի նիստը, և հույս հայտնեց, որ այն կանցնի արդյունավետ մթնոլորտում:
Տիգրան Սարգսյանը, իր հերթին շնորհակալություն հայտնելով ջերմ ընդունելության համար, նշեց, որ ստեղծվել են հնարավորություններ համագործակցության ընդլայնման համար: Երկու երկրների կառավարությունների ղեկավարները քննարկեցին երկկողմ հետաքրքրություն ներկայացնող մի շարք հարցեր:
Նոյեմբերի 19-ին կկայանա հայ-վրացական միջկառավարական համատեղ հանձնաժողովի նիստը, ինչից հետո ՀՀ վարչապետը հանդիպում կունենա նաև Աջարիայի հայ համայնքի հետ: