367.12
Քադաֆին 5 մլրդ եվրո է պահանջել ԵՄ-ից՝ սպառնալով, որ փախստական աֆրիկացիները կբռնազավթեն Եվրոպան
1 րոպեի ընթերցում
ՀՌՈՄ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Պաշտոնական այցով Իտալիայում գտնվող Լիբիայի առաջնորդ Մուամար Քադաֆին սպառնացել է Եվրոպային՝ պահանջելով Եվրամիությունից տարեկան 5 մլրդ եվրո, այլապես աֆրիկացի անօրինական փախստականները կբռնազավթեն եվրոպական աշխարհամասը:
Ինչպես հաղորդում է «Արմենպրես»-ը՝ վկայակոչելով թուրքական «Հուրիեթ» թերթը, իր պատվին Իտալիայի վարչապետ Սիլվիո Բերլուսկոնիի կազմակերպած ճաշին ունեցած ելույթում Քադաֆին քննադատել է Բենիտո Մուսոլինիին, գեներալ Ռոդոլֆո Գրազիանիին եւ 1934 թ-ին Լիբիայի նահանգապետի պաշտոնը զբաղեցրած Իտալո Բալբոյին՝ Լիբիան բռնազավթելու համար: «Դատապարտում ենք նրանց:
Լիբիայում կատարած նրանց գաղթը, կոտորածները եւ ավերածությունները մեծ անպատվություն են», -ասել է նա: Քադաֆին քողարկված կերպով քննադատել է նաեւ Միջերկրական ծովում ԱՄՆ ռազմաբազաների գոյությունը: «Միջերկրական ծովը ներքին ծով է: Այն պետք է մաքրվի այստեղ ափ չունեցող երկրների ռազմական բազաներից», -հայտարարել է Լիբիայի առաջնորդը:
Բաժանորդագրվեք մեր ալիքին Telegram-ում