Կաթոլիկների թիվն Աֆրիկայում ավելի արագ Է աճում, քան մյուս մայր ցամաքներում

ՄՈՍԿՎԱ, 29 ԱՊՐԻԼԻ, ԱՐՄԵՆՊՐԵՍ: 2000-ից մինչեւ 2008 թվականն ընկած ժամանակամիջոցում Աֆրիկայում կաթոլիկ եկեղեցու հետեւորդների թիվն աճել Է 33 տոկոսով: այդ մասին այսօր հաղորդել Է Վատիկանի ռադիոն՝ վկայակոչելով Annuarium Statisticum Ecclesiae եկեղեցական վիճակագրական տարեգիրքը, որը լույս Է տեսել լատիներն, անգլերեն եւ ֆրանսերեն:

Ընդ որում Աֆրիկայում գրանցվել են մյուս մայր ցամաքների համեմատությամբ կաթոլիկների թվի աճի ամենաբարձր տեմպերը: Այսպես, Եվրոպայում այս ցուցանիշը կազմում Է 1,17 տոկոս: Ըստ որում Եվրոպայում բնակչության ընդհանուր թվի նկատմամբ կաթոլիկների տոկոսը 2000 թվականի 26,8 տոկոսից 2008 թվականին նվազել Է մինչեւ 24,31 տոկոս: Ընդհանուր առմամբ մոլորակի վրա կաթոլիկների թիվն ինը տարում 2000 թվականի 1,045 միլիարդից 2008 թվականին աճել Է մինչեւ 1,166 միլիարդ, այսինքն՝ 11,45 տոկոսով:

Աճել Է նաեւ եպիսկոպոսների թիվը՝ 4 հազար 541-ից մինչեւ 5 հազար 002, ըստ որում քահանաների թիվը մնացել Է նախկին մակարդակում՝ 400 հազարից փոքր-ինչ ավելի, իսկ վանականների թիվն աննշան նվազել Է՝ 55 հազար 057-ից մինչեւ 54 հազար 641: