1 րոպեի ընթերցում
ԱՆԹԻԼԻԱՍ, 20 ՀՈՒՆՎԱՐԻ, ԱՐՄԵՆՊՐԵՍ: «Հրանտ Դինքը տեսիլքի ու հավատքի մարդ էր։ Որպես նվիրյալ հրապարակագիր ու խմբագիր« քննադատեց Հայոց ցեղասպանության ծալքերը փակելու Թուրքիայի կողմից կատարվող բոլոր փորձերը։ Նա քաջաբար կոչ ուղղեց Թուրքիայի այժմվա պետությանը` ընդունելու անցյալի իր սխալները` ճանաչելով Հայոց ցեղասպանությունն իբրեւ Օսմանեան Թուրքիայի կողմից մարդկության դեմ նախածրագրված ու իրականացված ոճիրե,- ասել է Մեծի Տանն Կիլիկիո Արամ Ա կաթողիկոսը` դատապարտելով «Ակոսե թերթի գլխավոր խմբագիր Հրանտ Դինքի սպանությունը։ «Ճշմարտության ընդունումը եւ մարդկային իրավունքների հարգումը Հրանտ Դինքի հիմնական սկզբունքներն էին` ազգերին ու ժողովուրդներին հաշտության առաջնորդելով։ Հնարավոր չէ ճշմարտությունը սպանել ýիզիկապես սպանելով նրա հրապարակախոսին։ Արդարության ու ազատության ձայնը հնարավոր չէ լռեցնել ահաբեկչական ստոր միջոցներով։ Հայկական դատը արդարության դատ է։ Մեկուկես միլիոն հայ նահատակների զավակները պիտի շարունակեն իրենց արդար պայքարը` հասնելու համար իրենց ոտնահարված իրավունքների վերատիրացմանըե,- ընդգծել է կաթողիկոսը: