Ալեքսանդր Լուկաշենկո. Հասունացել է ԱՊՀ-ի երկրների մաքսային ծառայությունների շրջանակներում ձեռք բերված համաձայնությունների ցուցակագրման անհրաժեշտությունը
2 րոպեի ընթերցում
ՄԻՆՍԿ, 7 ՀՈՒՆԻՍԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն հայտարարել է, որ հասունացել է ԱՊՀ-ի երկրների մաքսային ծառայությունների շրջանակներում ձեռք բերված համաձայնությունների ցուցակագրման անհրաժեշտությունը: «Հասունացել է ձեռք բերված համաձայնությունների ցուցակագրման, ինչպես նաեւ ԱՊՀ-ի մաքսային ծառայությունների կողմից արդեն իրացված որոշումներից ստացված արդյունքների վերլուծության եւ ընդհանրացման անհրաժեշտությունըե,-ասել է նա ԱՊՀ-ի եւ Եվրասիական տնտեսական հանրակցության մաքսային ծառայությունների ղեկավարների՝ այսօր Մինսկում կայացած հանդիպման ընթացքում: Լուկաշենկոյի կարծիքով, դա թույլ կտա տեսական մշակումները համադրել մաքսային գործի պրակտիկայի հետ, նախանշել մաքսային ծառայությունների համագործակցության նոր ուղղությունները: Բելառուսի նախագահը նշել է, որ այն հիմնախնդիրները, որոնք ներկայումս առկա են մաքսային օրենսդրության միասնականացման գործում, ԱՊՀ-ի պետությունների ղեկավարների մեղավորությունն է: «ԱՊՀ-ի երկրների մաքսային օրենսդրությունների միասնականացման հետ կապված հիմնախնդիրները, կարծում եմ, ծագել են սուբյեկտիվ պատճառներով: Դուք չեք մեղավոր, որ մաքսային ծառայությունների շրջանակներում ընդունված որոշումները չեն գործում: Դա պետությունների ղեկավարների մեղավորությունն է, քանի որ չկա համաձայնեցվածություն եւ դինամիկաե,-նշել է Լուկաշենկոն: Նա ընդգծել է, որ բելառուսական կողմն ամեն ինչ կանի, որպեսզի ԱՊՀ- ի շրջանակներում ինտեգրացիոն գործընթացները զարգանան: