1 րոպեի ընթերցում
ԱՆԹԻԼԻԱՍ, 28 ՓԵՏՐՎԱՐԻ, ԱՐՄԵՆՊՐԵՍ: Մեծի Տանն Կիլիկիո Արամ Ա կաթողիկոսը փետրվարի 27-ին Անթիլիասի Մայրավանքում ընդունել է «Հայաստանե համահայկական հիմնադրամի տնօրեն Վահան Տեր Ղեւոնդյանին, որին ընկերակցում էին Լիբանանում Հայաստանի դեսպան Արեգ Հովհաննիսյանը, Լիբանանում հիմնադրամի պատասխանատուներից Գեւորգ Գանտահարյանը: Ինչպես հայտնեցին Կիլիկիո Աթոռի մամլո դիվանից, հիմնադրամի տնօրենը Վեհափառ Հայրապետին է ներկայացրել հիմնադրամի ներկա աշխատանքների ընթացքը, ինչպէս նաեւ առաջիկա ծրագրերը: Վեհափառ Հայրապետը շեշտել է միասնական ճիգով համահայկական հիմնադրամին զորավիգ կանգնելու անհրաժեշտությունը: Նա հիշեցրել է, որ Մեծի Տանն Կիլիկիո կաթողիկոսությունը «Հայաստանե հիմնադրամի թե՛ հիմնադրման եւ թե՛ նրա աշխատանքներում կարեւոր դեր եւ ներդրում ունի: Կաթողիկոսության թեմերը գործուն մասնակցություն են ունեցել եւ նյութապես սատարել են թե՛ Հայաստանում եւ թե՛ Ղարաբաղում հատուկ ծրագրերի իրագործմանը: Արամ Ա կաթողիկոսը մեկ անգամ եւս հաստատել է Կիլիկիո Աթոռի հանձնառությունը՝ գործնականում մասնակից դառնալ հայրենակերտումի ու Ղարաբաղի հզորացման աշխատանքներին: