Քիշնևը բողոք է հայտնել Մոսկվային Մոլդովայի տարածքում ԱԹՍ-ների ընկնելու կապակցությամբ. Moldpres

3 րոպեի ընթերցում

Հոդվածը հրապարակվում է «Արմենպրես»-ի և Moldpres-ի միջև ստորագրված համաձայնագրի շրջանակում։

Մոլդովայի արտաքին գործերի նախարարությունը նոյեմբերի 18-ին բողոքի նոտա է հանձնել Ռուսաստանի կողմից նշանակված դեսպան Օլեգ Օզերովին՝ Ուկրաինայի դեմ Ռուսաստանի հարձակումների ֆոնին անօդաչու թռչող սարքերի (ԱԹՍ) կողմից երկրի օդային տարածքի բազմակի խախտումների կապակցությամբ։ «Արմենպրես»-ի փոխանցմամբ՝ այս մասին հաղորդում է Moldpres գործակալությունը։

Գերատեսչությունն ընդգծել է, որ նոյեմբերի 17-ին, ժամը 15։45-ից 18։10-ն ընկած ժամանակահատվածում յոթ ԱԹՍ առանց թույլտվության անցել է Մոլդովայի Հանրապետության, այդ թվում՝ Քիշնևի տարածքով։ Դրանցից վեցն ընկել են երկրի տարածքում։

«ԱԳՆ-ն վճռականորեն դատապարտում է այդ գործողությունները, որոնք խախտում են Մոլդովայի Հանրապետության ինքնիշխանությունը և վտանգում մարդկանց կյանքն ու անվտանգությունը։ Բողոքի նոտայով Մոլդովայի Հանրապետությունը Ռուսաստանի Դաշնությունից խնդրել է դադարեցնել նման գործողությունները և հարգել մեր երկրի օդային տարածքն ու սահմանները», - ասվում է ԱԳՆ հայտարարության մեջ։

Իր հերթին, Ռուսաստանի կողմից նշանակված դեսպան Օլեգ Օզերովը, որի հավատարմագրերը Մոլդովայի իշխանությունները դեռ չեն ընդունել, մերժել է ներկայացված մեղադրանքները՝ նշելով, որ նախկինում ևս արձանագրվել են թռչող սարքերի հետ կապված մի շարք միջադեպեր, սակայն մինչ օրս դրանց ծագման վերաբերյալ որևէ ապացույց կամ փաստաթղթավորված զեկույց չի ներկայացվել, այդ թվում՝ սերիական համարներ, արտադրության ամսաթվեր և թռիչքների հետագծերի վերաբերյալ տեղեկություններ։

Վերջին ամիսներին Օզերովը բազմիցս կանչվել է ԱԳՆ, որտեղ նրան բողոքի նոտաներ են հանձնվել՝ Մոլդովայի օդային տարածք մի շարք ԱԹՍ-ների ապօրինի մուտքի, ինչպես նաև դրանցից մի քանիսի՝ գետնին ընկնելու և պայթելու դեպքերի կապակցությամբ։

Բացի այդ, հոկտեմբերի 23-ին Մոլդովայի ԱԳՆ-ն հայտարարել էր, որ Քիշնևում Ռուսաստանի դեսպանատան աշխատակիցը կհայտարարվի անցանկալի անձ՝ ի պատասխան երկրի օդային տարածքի խախտման և Տելենեշտիի շրջանի Քիշտելնիցա գյուղի մոտ տեղի ունեցած միջադեպի։ Այդ ժամանակ պայթուցիկ նյութեր տեղափոխող ԱԹՍ-ն ընկել էր բնակելի տնից և էներգետիկ օբյեկտից մոտ 100 մետր հեռավորության վրա։

Նոյեմբերի սկզբից ի վեր երկրի օդային տարածքում չարտոնված թռիչքների 14 միջադեպ է արձանագրվել, իսկ 2026 թվականի սկզբից դրանց թիվը գերազանցել է 80-ը։ 2022 թվականից ի վեր գրանցվել է, ընդհանուր առմամբ, 118 նման միջադեպ։

Հայերեն

Հովտաշատի դպրոցի շինարարությունը նախատեսվում է ավարտել մինչև փետրվար. Ժաննա Անդրեասյան

Հայ-վրացական համայնքային կապերի ամրապնդում՝ եվրոպական ինտեգրման ընդհանուր տեսլականով․ ստորագրվել է համագործակցության հուշագիր

Վարչապետը նոր Սահմանադրության հանրաքվեում ակնկալում է մեծամասնության աջակցությունը

Սրբուհի Գալյանը վստահեցնում է՝ ՔԿՀ-ում Արսեն Գևորգյանի ինքնազգացողության վատացմանը եղել է հրատապ արձագանք

Հայաստանը Ղրղզստանին է հանձնել թմրամիջոց իրացնելու համար մեղադրվող անձին

Վարչապետը կոչ է արել համբերատար մոտենալ հայ-ադրբեջանական երկխոսության խնդիրներին

Նոյեմբերի 19-ի միջոցառումների անոնս

Քիշնևը բողոք է հայտնել Մոսկվային Մոլդովայի տարածքում ԱԹՍ-ների ընկնելու կապակցությամբ. Moldpres

Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը

Ռուսաստանը Հայաստանին է հանձնել սպանության և սպանության փորձի համար հետախուզվող անձին