ԱՄՆ-ն ևս 4 ամսով Հունգարիային ազատել է ռուսական նավթի գնման համար գործող պատժամիջոցներից

2 րոպեի ընթերցում

ԱՄՆ-ն Հունգարիայի համար մինչև 2027 թ. մարտի 19 երկարաձգել է ռուսական նավթի և գազի մատակարարումների նկատմամբ ամերիկյան պատժամիջոցներից ազատումը։ «Արմենպրես»-ի փոխանցմամբ՝ այս մասին հայտնել է Հունգարիայի արտաքին գործերի նախարարությունը։

Գերատեսչությունը հստակեցրել է, որ թույլտվությունը տարածվում է հունգարական MOL ընկերության՝ «Լուկօյլ» և «Litasco» ընկերությունների հետ իրականացվող այն գործարքների վրա, որոնք անհրաժեշտ են «Դրուժբա» նավթամուղով մատակարարվող նավթի գնման, ինչպես նաև գործող պայմանագրերի կատարման համար։

Նախորդ համաձայնագրի գործողության ժամկետն ավարտվում էր նոյեմբերի 21-ին։ Փաստաթղթի համաձայն՝ գործարքները չպետք է ներառեն ԱՄՆ իրավաբանական կամ ֆիզիկական անձանց մասնակցությունը, ամերիկյան ֆինանսական համակարգի ծառայությունների օգտագործումը, ինչպես նաև չպետք է օգուտ բերեն պատժամիջոցների տակ գտնվող այլ անձանց։

Էներգետիկայի և մաքուր օդի հետազոտությունների կենտրոնի (CREA) զեկույցի համաձայն՝ հուլիսին Եվրամիության կողմից ռուսական էներգակիրների գնումների գումարը կազմել է 1,5 միլիարդ եվրո, որի 26 տոկոսը բաժին է ընկել նավթին։

ԵՄ ներմուծման մեջ խողովակաշարային գազի մասնաբաժինը կազմել է 38 տոկոս (561 միլիոն եվրո), իսկ հեղուկացված բնական գազինը՝ 36 տոկոս (526 միլիոն եվրո)։ Մնացած 26 տոկոսը կազմել է «Դրուժբա» նավթամուղով Հունգարիա և Սլովակիա տեղափոխվող հում նավթը։ Եվրամիությունը դարձել է ռուսական էներգակիրների գնման ծավալով չորրորդ խոշորագույն գնորդը։

Ամերիկյան վարչակազմը 120 օրով երկարաձգել է նաև Սլովակիայի համար գործող բացառությունը, որը թույլ է տալիս շարունակել ռուսական նավթի գնումն ու դրա դիմաց վճարումները՝ առանց ԱՄՆ-ի պատժամիջոցների ենթարկվելու վտանգի

Եվրոպա

Սլովակիայի համար 120 օրով երկարացվել է ՌԴ-ից նավթի գնման դեպքում ամերիկյան պատժամիջոցներից ազատումը

Հայերեն

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների

ՃՇՀԱՀ-ի և ԿԳՄՍՆ Բարձրագույն կրթության և գիտության կոմիտեի միջև ստորագրվեց փոխըմբռնման հուշագիր

Նոյեմբերի 18-ի միջոցառումների անոնս

ԱՄՆ-ն ևս 4 ամսով Հունգարիային ազատել է ռուսական նավթի գնման համար գործող պատժամիջոցներից

ՄԻՊ աշխատակազմում հյուրընկալվել են «Խորհուրդ X» երիտասարդական կազմակերպության անդամները և ԵՊՀ ուսանողները

Թրամփը Թաիլանդի հետ համաձայնություն է ձեռք բերել ԱՄՆ-ից ներմուծվող ապրանքների նկատմամբ մաքսատուրքերի վերացման մասին

Սոնա Ղազարյանը հորդորել է երեխայի ծննդյան նպաստից գումար հատկացնել քարսիթի ձեռքբերմանը

Քաղաքաշինության կոմիտեում քննարկվել են բենզալցակայանների գործունեությունը կարգավորող իրավական դաշտի վերանայման հարցեր

Պատգամավորի կարծիքով՝ միայն տուգանքների բարձրացմամբ խցանումների խնդիրը չի լուծվի

Էջմիածին-Երևան երթուղու միկրոավտոբուսների՝ մայրաքաղաքի կենտրոնում կայանման արգելքը չի վերանայվի